លទ្ធផលសម្រេចរបស់យើង
ចាប់តាំងពីឆ្នាំ ២០០២
៣០០
បណ្តុះបណ្តាលក្នុង ១ឆ្នាំ
៣៣៦៥
បានបញ្ចប់ការសិក្សាសរុប
១០០%
ទទួលបានការងារធ្វើ
៩៥%
បម្រើការងារនៅក្នុងវិស័យបដិសណ្ឋារកិច្ច និងទេសចរណ៍
គម្រោងរបស់យើង
សាលាបានបង្កើតឡើងក្នុងឆ្នាំ២០០២ ក្នុងនាមជាអង្គការក្រៅរដ្ឋាភិបាលមិនស្វែងរកប្រាក់ចំណេញ។ អង្គការនេះបានស្ថាបនាខ្លួនឯងឲ្យក្លាយជាស្ថាប័នបណ្តុះបណ្តាលវិជ្ជាជីវៈផ្នែកបដិសណ្ឋារកិច្ច និងទេសចរណ៍ដែលទទួលបានការកោតសរសើរ និងទទួលស្គាល់នៅក្នុងប្រទេសកម្ពុជា។
ដោយមានការសហការយ៉ាងជិតស្និទ្ធជាមួយក្រុមសណ្ឋាគារ Accor និងសាលា École Hôtelière de Lausanne ដ៏ល្បីល្បាញ យើងបានផ្តល់ការបណ្តុះបណ្តាលដល់យុវជនកម្ពុជាជាង ៣០០ នាក់ជារៀងរាល់ឆ្នាំ។ កម្មវិធីសិក្សារបស់ពួកយើងប្រកបដោយតុល្យភាពរវាងការអនុវត្តជាក់ស្តែង និងចំណេះដឹងផ្នែកទ្រឹស្ដី។ ជោគជ័យរបស់សិស្សយើង គឺជាផ្លែផ្កានៃការលះបង់ និងការប្តេជ្ញាចិត្តរបស់ក្រុមការងារ ក៏ដូចជាដៃគូសហការរបស់យើងផងដែរ។
ការធ្វើឱ្យមានការផ្លាស់ប្តូរ
យើងជឿជាក់ថាលុយកាក់មិនគួរជាឧបសគ្គរារាំងសិស្សដែលមានទេពកោសល្យ និងពោរពេញដោយឆន្ទៈ ដោយមិនអាចឲ្យពួកគាត់ទទួលបានការងារដែលពួកគាត់សមនឹងទទួលបានឡើយ។ តាមរយៈមូលនិធិអាហារូបករណ៍របស់យើង យើងបានផ្ដល់អាហារូបករណ៍ជូនដល់សិស្សដែលរស់នៅក្នុងស្ថានភាពក្រីក្រ និងលំបាក។
គណៈកម្មាធិការអាហារូបករណ៍ដែលមានអ្នកតំណាង មកពីផ្នែកផ្សេងៗរបស់សាលាដូចជាផ្នែកអប់រំ និងផ្នែកហិរញ្ញវត្ថុ និងផ្នែកពាក់ព័ន្ធផ្សេងៗបានធ្វើការពិនិត្យរាល់ពាក្យស្នើសុំទាំងអស់ ព្រមទាំងអនុសាសន៍ណែនាំរបស់ក្រុមប្រឹក្សាភិបាលសាលា ថាតើសិស្សរូបណានឹងទទួលបានការជ្រើសរើស ទៅតាមលក្ខណៈវិនិច្ឆ័យអាហារូបករណ៍។
យើងតែងតែព្យាយាមផ្តល់នូវអាហារូបករណ៍ពេញលេញ ឬជាចំណែកដែលអាចធ្វើទៅបានដោយផ្អែកលើមូលដ្ឋាននៃតម្រូវការហិរញ្ញវត្ថុ និងឆន្ទៈរបស់សិស្សក្នុងការសិក្សានៅ សាលាសណ្ឋារគារ និងទេសចរណ៍ ប៉ូល ឌុយប្រ៊ូល ។
ការឧបត្ថម្ភ
សូមជួយឧបត្ថម្ភដល់សិស្ស និងចូលរួមជាវិភាគទានដល់ការអប់រំរបស់សិស្សម្នាក់សម្រាប់មួយឆ្នាំសិក្សា ដើម្បីចូលរួមកសាងអនាគតរបស់ពួកគាត់។
ការបរិច្ចាគ
ដើម្បីកសាងអនាគតរបស់សិស្ស ការបរិច្ចាគរបស់លោកអ្នកនឹងត្រូវបានបែងចែកសម្រាប់ប្រតិបត្តិការផ្សេងៗរបស់សាលាដើម្បីរក្សាស្តង់ដារ និងការអប់រំដែលប្រកបដោយគុណភាពរបស់យើង។
ចូលរួមជាដៃគូ ជាមួយយើង
ចូលរួមសហការជាមួយយើង ក្នុងការផ្តល់កម្មសិក្សា ការហ្វឹកហាត់ការងារ និងឱកាសការងារ។ ចូលរួមស្វែងរកសិស្សដែលមានទេពកោសល្យល្អៗក្នុងចំណោមសិស្ស និងអតីតសិស្សរបស់ សាលាសណ្ឋាគារ និងទេសចរណ៍ ប៉ូល ឌុយប្រ៊ូល។
ធ្វើការងារស្ម័គ្រចិត្តជាមួយយើង
ចែករំលែកថ្វីដៃ និងជំនាញរបស់អ្នកជាមួយក្រុមការងារ និងសិស្សរបស់យើង។ ចូលរួមក្នុងបណ្តាញរបស់ពួកយើងក្នុងការរាប់អានមិត្តភក្តិ និងបង្កើតទំនាក់ទំនងថ្មីៗ។
ព័ត៌មាន
ថ្នាក់គ្រប់គ្រងផ្នែកបដិសណ្ឋារកិច្ច
ដោយសារស្ថានភាពជំងឺកូវីត-១៩ ថ្នាក់គ្រប់គ្រងផ្នែកបដិសណ្ឋារកិច្ចត្រូវបានពន្យារពេលទៅឆ្នាំសិក្សា ២០២១-២២។ ក្នុងខណៈនេះ យើងខ្ញុំសូមលើកទឹកចិត្តលោកអ្នកបន្តធ្វើការទទួលយកបទពិសោធន៍ និងពង្រឹងសមត្ថភាពជំនាញក្នុងវិស័យបដិសណ្ឋារកិច្ច និងទេសចរណ៍។
យើងខ្ញុំរងចាំទទួលស្វាគមន៍សិស្សថ្មី ដែលជាអតីតសិស្ស និងអ្នកជំនាញក្នុងវិស័យបដិសណ្ឋារកិច្ច និងទេសចរណ៍សម្រាប់កម្មវិធីឆ្នាំសិក្សាថ្មី ២០២១-២២។
ការសិក្សាតាមប្រព័ន្ធអនឡាញ
ដោយសារស្ថានភាពបច្ចុប្បន្ន សាលាសណ្ឋាគារ និងទេសចរណ៍ ប៉ូល ឌុយប្រ៊ូល បានលើកទឹកចិត្តឲ្យសិស្សានុសិស្សសិក្សាតាមប្រព័ន្ធអនឡាញ។ សិស្សានុសិស្សទាំងអស់ទទួលបាននូវការជ្រោមជ្រែងពីគ្រូបន្ទុកថ្នាក់តាមរយៈបទបង្ហាញ និងសកម្មភាពផ្សេងៗ ក្នុងការជំរុញការសិក្សាបន្ត។
ប្រសិនបើវាជាលើកដំបូងក្នុងការសិក្សាតាមប្រព័ន្ធអនឡាញ សូមស្វែងរកនូវគន្លឹះសំខាន់ ៥ចំណុចដើម្បីជួយសម្រួលដល់ការសិក្សា។
ការប្រកួតប្រជែងភាពជាសហគ្រិនឆ្នាំ ២០២១
ខណៈពេលដែលជំងឺរាតត្បាត កូវីត-១៩ បានប៉ះពាល់ដល់អាជីវកម្មជាច្រើនជាពិសេសក្នុងវិស័យបដិសណ្ឋារកិច្ច និងទេសចរណ៍ ដូច្នេះការប្រកួតប្រជែងភាពជាសហគ្រិនលើកទី២ របស់សាលាសណ្ឋាគារ និងទេសចរណ៍ ប៉ូល ឌុយប្រ៊ូល ត្រូវបានពន្យារពេលទៅឆ្នាំក្រោយ។
ចាប់ផ្តើមរៀបចំគំនិតនៃគម្រោងអាជីវកម្មរបស់លោកអ្នកហើយធ្វើការទំនាក់ទំនងម្តងទៀតសម្រាប់ការប្រកួតប្រជែងនៅឆ្នាំ ២០២១។
បិទបណ្តោះអាសន្នដោយផ្អែកលើជំងឺ កូវីត-១៩
ម៉ោងធ្វើការ
ថ្ងៃចន្ទ ដល់ថ្ងៃសុក្រ
ម៉ោង ៨ព្រឹក ដល់ម៉ោង ៦ល្ងាច
សាលាសម្រាកនៅរៀងរាល់ថ្ងៃចុងសប្ដាហ៍
ទំនាក់ទំនង
+855 (0) 63 963 672 | +855 (0) 95 219 994
[email protected]
អាសយដ្ឋាន ផ្លូវជាតិលេខ ៦ (ផ្លូវទៅព្រលានយន្តហោះ)
ក្រុងសៀមរាប ប្រទេសកម្ពុជា