សាលារៀននេះ គឺជាសាលាគម្រូដ៏លេចធ្លោមួយក្នុងការគ្រប់គ្រង និងអប់រំដែលមានសារៈសំខាន់សម្រាប់យុវជនកម្ពុជា។ សិស្សយើងម្នាក់មកពី សាលារៀនសប្បុរសធម៌ Happy Days Cambodian Village School Inc, បានបញ្ចប់ការសិក្សា ផ្នែកចម្អិនម្ហូបអាហារនៅឆ្នាំ ២០១៨។ ជាលទ្ធផល ខ្ញុំបានទាក់ទងលោក Peter Wolfe ដែលជាចុងភៅជនជាតិអូស្រ្តាលីដើម្បីឲ្យគាត់ចូលរួមក្នុងការអភិវឌ្ឍសិស្សតាមរយៈសិក្ខាសាលាធ្វើម្ហូប។

ខ្ញុំសូមណែនាំសាលារៀននេះ ដល់អ្នកដែលចង់ចូលរួមជួយដល់យុវជនកម្ពុជាឲ្យទទួលបានការងារល្អនៅក្នុងវិស័យបដិសណ្ឋារកិច្ច។

សាលាសណ្ឋាគារ និងទេសចរណ៍ ប៉ូល ឌុយប្រ៊ូល ពិតជាសាលាដ៏ល្អបំផុតមួយ សម្រាប់យុវជននៅក្នុងប្រទេសកម្ពុជាដើម្បីទទួលបានជំនាញបណ្តុះបណ្តាលវិជ្ជាជីវៈសម្រាប់រយៈពេលមួយឆ្នាំ ឬពីរឆ្នាំនៅក្នុងបរិយាកាសសិក្សាប្រកបដោយបែបបទវិជ្ជាជីវៈបំផុត។
សមាគមសុខសប្បាយយើង (Sok Sabay Association) បានបញ្ជូនសិស្សចំនួន ២០ នាក់ឲ្យចូលរៀន ហើយសិស្សទាំងអស់ទទួលបានជោគជ័យ និងរកបានការងារធ្វើគ្រប់គ្នាបន្ទាប់ពីបញ្ចប់ការសិក្សា។ យើងសូមថ្លែងអំណរគុណយ៉ាងជ្រាលជ្រៅចំពោះកិច្ចសហប្រតិបត្តិការនេះ។ សូមជូនពរដល់សិស្សគ្រប់ជំនាន់ទាំងបច្ចុប្បន្ន និងអនាគតដែលនឹងទទួលបានអត្ថប្រយោជន៍ពីសាលាដ៏ល្អនេះ។

ការចុះកម្មសិក្សារយៈពេល ៦ ខែរបស់ខ្ញុំនៅឯសាលាសណ្ឋាគារ និងទេសចរណ៍ ប៉ូល ឌុយប្រ៊ូល បានផ្លាស់ប្តូរនូវបទពិសោធន៍ដ៏សំខាន់បំផុតសម្រាប់ជីវិតរបស់ខ្ញុំ។ ខ្ញុំបានយល់ដឹងអំពីរបៀបប្រតិបត្តិការរបស់អង្គការអន្តរជាតិ និងស្ថាប័នបណ្តុះបណ្តាលផ្នែកបដិសណ្ឋារកិច្ចនេះ។ ខ្ញុំបានអភិវឌ្ឍន៍ ការយល់ដឹងអំពីវប្បធម៌ផ្សេងៗ តាមរយៈការចូលរួមជាសមាជិកក្រុមពហុវប្បធម៌។ ជាចុងក្រោយ ការខ្នះខ្នែងរបស់សិស្សក្នុងការរៀនសូត្រ ការរីកចម្រើន និងភាពអត់ធន់របស់ពួកគាត់ នៅពេលដែលពួកគាត់ប្រឈមមុខនឹងស្ថានភាពលំបាក បានជះឥទ្ធិពល និងផ្តល់មេរៀនល្អៗយ៉ាងច្រើនមកដល់ខ្ញុំ។