fbpx

សំណួរដែលត្រូវបានសួរញឹកញាប់

ចម្លើយតបទៅកាន់សំណួររបស់លោកអ្នក

វាអាចជួយសម្រួលដល់លោកអ្នកឲ្យមានភាពងាយស្រួលក្នុងការស្វែងរកចម្លើយរួមទាំងកម្មវិធីសិក្សា និងការទស្សនកិច្ចនៅឯសាលាសណ្ឋាគារ និងទេសចរណ៍ ប៉ូល ឌុយប្រ៊ូល។ បើសិនជាលោកអ្នកមិនអាចស្វែងរកចម្លើយនៅទីនេះបាន លោកអ្នកអាចទាក់ទងមកកាន់ពួកយើងបាន។

ហេតុអ្វីបានជាត្រូវសិក្សានៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល?

តើសាលាសណ្ឋាគារ និងទេសចរណ៍ ប៉ូល ឌុយប្រ៊ូល មានភាពខុសគ្នាជាមួយនឹងសាលាបណ្តុះបណ្តាលវិជ្ជាជីវៈផ្នែកបដិសណ្ឋរកិច្ចដ៏ទៃទៀតដូចម្តេចខ្លះ?

-សាលាសណ្ឋាគារ និងទេសចរណ៍ ប៉ូល ឌុយប្រ៊ូល គឺជាសាលាដែលទទួលបានការជឿជាក់ និងកោតសរសើរអំពីសំណាក់អ្នកជំនាញចំពោះគុណភាព និងវិជ្ជាជីវៈ តាមរយៈអតីតសិស្សដែលបានចេញធ្វើការនៅតាមស្ថាប័ន ក៏ដូចជាតាមសណ្ឋាគារ ក្រុមហ៊ុនទេសចរណ៍ និងខ្លះទៀតក៏បានក្លាយជាសហគ្រិនផងដែរ។

-ភាពជាដៃគូជាមួយ សាលាសណ្ឋាគារឡូសាន ដែលជាសាលាដ៏ល្បីល្បាញទូទាំងពិភពលោក និងក្រុមហ៊ុនអាក់គ័រ បានជួយធានានូវគុណភាពកម្មវិធីសិក្សារបស់យើង។

-១០០% នៃសិស្សយើងដែលបានបញ្ចប់ការសិក្សាទទួលបានការងារធ្វើភ្លាមៗបន្ទាប់ពីបញ្ចប់ការសិក្សា។ អតីតសិស្សភាគច្រើនពួកគាត់សិ្ថតក្នុងតំណែងជាអ្នកគ្រប់គ្រង ឬក៏មានអាជីវកម្មផ្ទាល់ខ្លួន។

-ជារៀងរាល់ឆ្នាំយើងតែងតែមានការលើកទឹកចិត្តដល់សិស្សានុសិស្សដែលឆ្នើមជាងគេ (រង្វាន់នោះគឺ ការចុះកម្មសិក្សារយៈពេល០២សប្តាហ៍នៅសាលាសណ្ឋាគារ ឡូសាន ប្រទេសស្វីស ដែលជាសាលាដ៏ល្បីល្បាញនៅក្នុងពិភពលោក ខាងផ្នែកបដិសណ្ឋារកិច្ច និងខ្លះទៀតទទួលបានការចុះកម្មសិក្សារយៈពេល០២ខែ ដោយទទួលបាននូវប្រាក់ខែជាលក្ខណៈហាត់ការងារនៅក្នុងសណ្ឋាគារអាក់គ័រក្រៅប្រទេសផងដែរ)។

កម្មវិធីសិក្សា

តើមានកម្មវិធីសិក្សាសំខាន់ៗ មានអ្វីខ្លះ?

-យើងមានផ្តល់មុខជំនាញសំខាន់ៗចំនួន ០៥ដូចជាៈ ជំនាញប្រតិ្តបត្តិការ ផ្នែកទីភ្នាក់ងារទេសចរណ៍ | ជំនាញសេវាកម្មភ្ញៀវ ផ្នែកការិយាល័យជួរមុខ និងគេហកិច្ច | ជំនាញសេវាកម្មភ្ញៀវ ផ្នែកសេវាកម្មម្ហូបអាហារ និងភេសជ្ជៈ | ជំនាញចម្អិនម្ហូបអាហារ ផ្នែកផលិតកម្មម្ហូបអាហារ | ជំនាញធ្វើនំ ផ្នែកផលិតកម្មម្ហូបអាហារ។

តើទទួលបានវិញ្ញាបនបត្រអ្វី?

-នៅពេលបញ្ចប់ការសិក្សា លោកអ្នកនឹងទទួលបាននូវវិញ្ញាបនបត្រវិជ្ជាជីវៈ២ ក្របខ័ណ្ឌគុណវុឌ្ឍិអាស៊ានកម្រិត១ នៅក្នុងមុខជំនាញសិក្សាដែលលោកអ្នកបានជ្រើសរើស។ វិញ្ញាបនបត្រកម្រិតអាស៊ានត្រូវបានទទួលស្គាល់ដោយ ក្រសួងទេសចរណ៍ ក្រសួងការងារ និងបណ្តុះបណ្តាលវិជ្ជាជីវៈ និងអាស៊ានផងដែរ។

តើសាលាសណ្ឋាគារ និងទេសចរណ៍ ប៉ូល ឌុយប្រ៊ូល ទទួលយកសិស្សក្នុងវ័យណាខ្លះ ដើម្បីចូលសិក្សាក្នុងមុខជំនាញរបស់សាលា?

-បាទ/ចាស៎ សាលាសណ្ឋាគារ និងទេសចរណ៍ ប៉ូល ឌុយប្រ៊ូលទទួលយកសិស្សចាប់ពីអាយុ ១៧ឆ្នាំឡើងទៅ ហើយនឹងត្រូវធ្វើតេស្តចូលរៀន។

តើខ្ញុំត្រូវដាក់ពាក្យស្នើសុំ យ៉ាងដូចម្តេច?

-ដើម្បីដាក់ពាក្យស្នើសុំបាន លោកអ្នកអាចដាក់ពាក្យតាមប្រព័ន្ធអនឡាញរបស់សាលាពីទីនេះបាន។

តើខ្ញុំត្រូវដាក់ពាក្យនៅពេលណា?

-កម្មវិធីសិក្សារបស់យើង គឺមានកាលបរិច្ឆេទកំណត់ជាក់លាក់។ សូមមើលលើគេហទំព័ររបស់យើងនៅទីនេះ ដើម្បីទទួលបានកាលបរិច្ឆេទប្រឡង និងសម្រាប់ព័ត៌មានថ្មីៗ។

តើពាក្យស្នើសុំមានបង់ថ្លៃសេវា ដែរឬទេ?

-ពាក្យស្នើសុំ មិនត្រូវបានបង់ថ្លៃសេវានោះទេ។

តើមានលក្ខខណ្ឌអ្វីខ្លះ ដើម្បីបំពេញពាក្យស្នើសុំរបស់ខ្ញុំ?

-លោកអ្នកត្រូវមានអាយុចាប់ពី ១៧ឆ្នាំឡើងទៅ ហើយត្រូវចេះភាសាអង់គ្លេសកម្រិតមធ្យម(អាចសន្ទនាបាន) ប្រសិនបើអ្នកមានចំណុចទាំងអស់នេះហើយ សូមធ្វើការបំពេញពាក្យស្នើសុំ និងដាក់ពាក្យមកកាន់ផ្នែកការិយាល័យអប់រំដោយផ្ទាល់ ឬតាមរយៈអ៊ីម៉ែលរបស់សាលា [email protected]

បើសិនជាខ្ញុំ មានមិនគ្រប់តាមលក្ខខណ្ឌ តើខ្ញុំត្រូវធ្វើដូចម្តេច?

-សូមទាក់ទងមកកាន់ពួកយើងតាមរយៈ[email protected] សម្រាប់ការណែនាំលម្អិត។

បើសិនជាខ្ញុំធ្លាក់ក្នុងការប្រឡង តើខ្ញុំអាចដាក់ពាក្យម្តងទៀតបាន ដែរឬទេ?

-សូមអញ្ជើញមកជួបពិភាក្សាជាមួយនឹងក្រុមការងារ ការិយាល័យអប់រំនៅឯសាលាដោយផ្ទាល់ ឬក៏ធ្វើការទាក់ទងមកពួកយើងតាមរយៈ[email protected].

តើតម្លៃសិក្សាសម្រាប់មុខជំនាញនីមួយៗថៃ្ល ប៉ុន្មានដែរ?

-៩៤៥ ដុល្លារសម្រាប់ជនជាតិខ្មែរ (តម្លៃវិភាគទាន)

-៣,០០០ ដុល្លារសម្រាប់ជនបរទេស

តើមានការរួមបញ្ជូល អ្វីខ្លះ?

-សៀវភៅសិក្សា ឯកសណ្ឋាន(២ ឈុត) អាហារថ្ងៃត្រង់ ការពិនិត្យសុខភាព ការធានារ៉ាប់រងគ្រោះថ្នាក់ក្នុងម៉ោងសិក្សា ទស្សនកិច្ចសិក្សា ថ្នាក់កំព្យុទ័រ ថ្នាក់ភាសាបរទេស និងការចុះកម្មសិក្សា (៦ ទៅ៨សប្តាហ៍)។

តើខ្ញុំត្រូវបង់ថ្លៃការសិក្សា យ៉ាងដូចម្តេច និងនៅពេលណា?

-កន្លែងសិក្សា គឺមានកំណត់។ សូមធ្វើការបង់ថ្លៃសិក្សាឲ្យបានកាន់តែលឿនកាន់តែប្រសើរ សាលាមិនធានាសម្រាប់អ្នកដែលមកបង់ថ្លៃសិក្សាយឺតនោះទេ។

-អាចបង់ថ្លៃសិក្សាជាសាច់ប្រាក់សុទ្ធ តាមរយៈធនាគារ ឬក៏មូលប្បទានបត្រ។ អាចបង់ថ្លៃសិក្សាជាដំណាក់កាលក៏បាន សូមអញ្ជើញមកជួបក្រុមការងារផ្នែកការិយាល័យអប់រំ ឬក៏ផ្ញើអ៊ីម៉ែលមកកាន់យើង [email protected]

-ការបង់ថ្លៃសិក្សា គឺមិនអាចដូរយកប្រាក់វិញបានទេ។

តើសាលាមានផ្តល់អាហារូបករណ៍ ដែរឬទេ?

-សាលាមានអាហារូបករណ៍១០០% និងតាមចំនួន សម្រាប់សិស្សានុសិស្សក្រីក្រដែលត្រូវទៅនឹងលក្ខខណ្ឌវិនិច្ឆ័យរបស់សាលា។ បើសិនជាលោកអ្នកត្រូវការជំនួយ សូមធ្វើការទាក់ទងមកកាន់យើងតាមរយៈអ៊ីម៉ែល[email protected]

កគ្រប់គ្រងបដិសណ្ឋារកិច្ច

តើទទួលបានអត្ថប្រយោជន៍ អ្វីខ្លះពីកម្មវិធីសិក្សានេះ?

-កម្មវិធីសិក្សានេះបានបង្កើតឡើងដោយមានការគាំទ្រពីសាលាសណ្ឋាគារ ឡូសានដែលជាសាលាដ៏ល្បីល្បាញក្នុងពិភពលោក ហើយនឹងមានការអនុញ្ញាតទទួលស្គាល់ពីក្រសួងទេសចរណ៍ នៃព្រះរាជាណាចក្រកម្ពុជា។

-កម្មវិធីសិក្សានេះមាន ៦ចំណុចសំខាន់ក្នុងផ្នែកគ្រប់គ្រងបដិសណ្ឋារកិច្ចតាមរយៈការសិក្សាចំនួន ២២មុខវិជ្ជាដូចជាៈ ថ្នាក់ជំនួញភាសាអង់គ្លេស ព័ត៌មានវិទ្យា ផ្នែករដ្ឋបាលទូទៅ និងផ្នែកធនធានមនុស្ស ផ្នែកលក់ និងទីផ្សារ ផ្នែកគ្រប់គ្រង និងផ្នែកហិរញ្ញវត្ថុ។

-អភិវឌ្ឍភាពជាអ្នកដឹកនាំ និងជំនាញទន់ដើម្បីឲ្យក្លាយជាអ្នកគ្រប់គ្រងដែលប្រកបទៅដោយប្រសិទ្ធភាពតាមរយៈស្ថានភាពជីវិតជាក់ស្តែង និងក្រុមស្រាវជ្រាវ។

តើខ្ញុំត្រូវដាក់ពាក្យស្នើសុំ យ៉ាងដូចម្តេច?

-ដើម្បីដាក់ពាក្យស្នើសុំបាន លោកអ្នកអាចដាក់ពាក្យតាមប្រព័ន្ធអនឡាញរបស់សាលាពីទីនេះបាន។

-គ្រប់បេក្ខជនទាំងអស់ត្រូវផ្ញើពាក្យស្នើសុំចូលសិក្សា ប្រវត្តិរូបសង្ខេប អត្តសញ្ញាណប័ណ្ណថតចម្លង វិញ្ញាបនបត្រ និងលិខិតផ្សេងៗដែលពាក់ព័ន្ធ មកកាន់សាលា។

តើខ្ញុំត្រូវដាក់ពាក្យនៅពេលណា?

-វគ្គតម្រង់ទិសសិក្សានឹងត្រូវធ្វើឡើងនៅក្នុងខែកក្កដា និងខែសីហា។ លោកអ្នកអាចដាក់ពាក្យនៅពេលនោះក៏បាន ឬក៏៤សប្តាហ៍មុនកម្មវិធីសិក្សាចាប់ផ្តើម។

តើពាក្យស្នើសុំមានបង់ថ្លៃសេវា ដែរឬទេ?

-ពាក្យស្នើសុំ មិនត្រូវបានបង់ថ្លៃសេវានោះទេ។

តើត្រូវការលក្ខខណ្ឌអ្វីខ្លះ ដើម្បីបំពេញពាក្យស្នើសុំរបស់ខ្ញុំ?

-បញ្ចប់ការសិក្សានៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល ជាមួយនឹងបទពិសោធន៍ការងារយ៉ាងតិចរយៈពេល ០១ឆ្នាំ ឬក៏បុគ្គលិកធ្វើការក្រៅម៉ោងកំឡុងពេលកម្មវិធីសិក្សាដំណើរការ ឬនៅក្នុងវិស័យដែលពាក់ព័ន្ធជាមួយនឹងបទពិសោធន៍ការងារយ៉ាងតិចរយៈពេល ០៣ឆ្នាំ (ត្រូវទទួលបានវិញ្ញាបនបត្រទទួលស្គាល់ពីការវាយតម្លៃការសិក្សាពីមុន មុននឹងបញ្ចប់ការសិក្សានៅសាលា)

តើពេលសិក្សា យ៉ាងដូចម្តេច?

-កម្មវិធីសិក្សា គឺសិក្សាជាលក្ខណៈក្រៅម៉ោងចាប់ពីថ្ងៃចន្ទ ដល់ថ្ងៃសុក្រ វេលាម៉ោង ១៨:០០-២១:០០ រយៈពេលនៃការសិក្សា ១០ខែ (ចាប់ពីខែកញ្ញា ដល់ខែមិថុនា)។

តើទទួលបានវិញ្ញាបនបត្រអ្វី?

-នៅពេលបញ្ចប់ការសិក្សា លោកអ្នកនឹងទទួលបានសញ្ញាបត្រវិជ្ជាជីវៈផ្នែកគ្រប់គ្រងបដិសណ្ឋារកិច្ច ក្របខ័ណ្ឌគុណវុឌ្ឍិអាស៊ានកម្រិត៤ ដែលទទួលស្គាល់ដោយក្រសួងទេសចរណ៍ និងអាស៊ានផងដែរ។

តើតម្លៃសិក្សា ប៉ុន្មានដែរ?

-១,៥៧៥ ដុល្លារ សម្រាប់ជនជាតិខ្មែរ(តម្លៃវិភាគទាន)

-៤,៥០០ ដុល្លារ សម្រាប់ជនបរទេស។

តើមានការរួមបញ្ជូល អ្វីខ្លះ?

-ការបណ្តុះបណ្តាលដោយគ្រូជំនាញជាតិ និងអន្តរជាតិដែលមានគុណភាពខ្ពស់និងបទពិសោធន៍ ព្រមទាំងមានទំនាក់ទំនងជាមួយដៃគូដូចជា ក្រុមហ៊ុនអាក់គ័រ និងសាលាសណ្ឋាគារ ឡូសាន។

-សម្ភារៈសិក្សា រួមជាមួយនឹងផ្នែកសេវាកម្មរដ្ឋបាល ត្រូវបានផ្តល់តាមរយៈកម្មវិធីសិក្សា។

-ការធានារ៉ាប់រងគ្រោះថ្នាក់ក្នុងម៉ោងសិក្សា កន្លែងចតយានជំនិះ អាហារសម្រន់ ការប្រើប្រាស់បណ្ណាល័យ។

តើខ្ញុំត្រូវបង់ថ្លៃការសិក្សា យ៉ាងដូចម្តេច និងនៅពេលណា?

-សម្រាប់ការបង់ថ្លៃសិក្សាពេញនឹងទទួលបានការបញ្ចុះតម្លៃចំនួន ៥%

-សម្រាប់ការបង់ថ្លៃសិក្សាជាលក្ខណៈបង់បណ្តាក់ៈ លើកទី១ ៥០%នៃថ្លៃសិក្សា ១ខែក្រោយបង់ ២៥% និង២ខែក្រោយទៀតបង់ ២៥%ទៀត ហើយគ្មានការបញ្ចុះតម្លៃសម្រាប់ការបង់ថ្លៃសិក្សាលក្ខណៈបង់បណ្តាក់។

-ការបង់ថ្លៃសិក្សា គឺមិនអាចដូរយកប្រាក់វិញបានទេ។

តើសាលាមានផ្តល់អាហារូបករណ៍ ដែរឬទេ?

-សាលាមានអាហារូបករណ៍១០០% និងតាមចំនួន សម្រាប់សិស្សានុសិស្សក្រីក្រដែលត្រូវទៅនឹងលក្ខខណ្ឌវិនិច្ឆ័យរបស់សាលា។ បើសិនជាលោកអ្នកត្រូវការជំនួយ សូមធ្វើការទាក់ទងមកកាន់យើងតាមរយៈអ៊ីម៉ែល [email protected]

សាលា

តើខ្ញុំអាចទស្សនកិច្ចសាលា បានដែរឬទេ?

-សូមធ្វើការទាក់ទងមកកាន់យើងតាមរយៈអ៊ីម៉ែល [email protected] ជាមួយនឹងឈ្មោះរបស់លោកអ្នក អង្គភាព និងហេតុផលសម្រាប់ការទស្សនកិច្ចនេះ។ ពួកយើងនឹងធ្វើការឆ្លើយតបទៅកាន់លោកអ្នកក្នុងរយៈពេល ៤៨ម៉ោង។ ប្រសិនបើលោកអ្នកចាប់អារម្មណ៍សិក្សានៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល សូមចូលរួមជាមួយពួកយើងនៅពិព័រណ៍កម្មវិធីសិក្សា (សូមមើសប្រតិទិនរបស់សាលាសម្រាប់ព័ត៌មាន)។

តើខ្ញុំអាចរៀបចំកម្មវិធីនៅសាលាសណ្ឋាគារ និងទេសចរណ៍ ប៉ូល ឌុយប្រ៊ូល បានឬទេ?

-ប្រាកដណាស់ សាលាមានគ្រឿងបរិក្ខារជាច្រើនប្រភេទដែលអាចតម្រូវទៅតាមកម្មវិធីរបស់លោកអ្នកបាន។ សាលាក៏មានបម្រើសេវាកម្មម្ហូបអាហារ អាហារសម្រន់ និងមានថ្នាក់បង្រៀនធ្វើម្ហូបផងដែរ។ សូមចូលមើលព័ត៌មានបន្ថែម រឺទាក់ទងនឹងការកក់ទុកមុននៅទីនេះ [email protected]

តើខ្ញុំអាចចូលរួមជួយសាលាបាន យ៉ាងដូចម្តេច?

-លោកអ្នកអាចចូលរួមជាផ្នែកមួយនៃការអភិវឌ្ឍអាជីពរបស់សិស្ស និងចូលរួមក្នុងការអប់រំរបស់ពួកគេតាមរយៈការឧបត្ថម្ភ ឬការបរិច្ចាគផ្សេងៗ។

-លោកអ្នកអាចចូលរួមចែករំលែកបទពិសោធន៍ និងធ្វើជាដៃគូ ឬអ្នកស្ម័គ្រចិត្តជាមួយពួកយើងបាន។

តើខ្ញុំអាចឧបត្ថម្ភលើការសិក្សារបស់សិស្ស បានយ៉ាងដូចម្តេច?

-លោកអ្នកអាចធ្វើការជ្រើសរើសបានដូចជាៈ ២,៨០០ ដុល្លារសម្រាប់ការឧបត្ថម្ភពេញលេញ ឬ៩៤៥ ដុល្លារសម្រាប់ការឧបត្ថម្ភដោយផ្នែក ។

-ជម្រើសនៃការឧបត្ថម្ភប្រាក់រួមមាន៖ ការទូទាត់តាមប្រព័ន្ធអនឡាញ កាតឥណទាន និងការផ្ទេរប្រាក់តាមធនាគារទៅកាន់ប្រទេសកម្ពុជា ប្រទេសស្វីស ឬក៏ប្រទេសបារាំង។ វិក័យប័ត្រនៃការឧបត្ថម្ភប្រាក់នឹងត្រូវបានផ្ញើចេញពីថ្នាក់ដឹកនាំសាលានៅប្រទេសស្វីស ឬប្រទេសបារាំងតាមការស្នើសុំ។ សម្រាប់ព័ត៌មានលម្អិតសូមមើលទំព័រ“ បរិច្ចាគ” នៅទីនេះ

ភោជនីយដ្ឋាន និងបន្ទប់សណ្ឋាគារអនុវត្ត

តើភោជនីយដ្ឋានបើកនៅពេលណាខ្លះ?

-យើងបើកចាប់ពីថ្ងៃអង្គារ ដល់ថ្ងៃសុក្រ ចាប់ពីម៉ោង ១២:០០ ដល់១៤:០០ (ខែតុលា ដល់ខែមិថុនា) ។

តើភោជនីយដ្ឋានស្ថិតនៅទីណា?

-ភោជនីយដ្ឋានអនុវត្ត មានទីតាំងនៅខាងក្នុងសាលាសណ្ឋាគារ និងទេសចរណ៍ ប៉ូល ឌុយប្រ៊ូល ធ្វើដំណើរប្រហែល ១០នាទីពីក្រុងសៀមរាបឬ ៥នាទីពីអាកាសយានដ្ឋានអន្តរជាតិសៀមរាប។

តើខ្ញុំអាចមើលមុខម្ហូបបានទេ?

-សូមមើលបញ្ជីមុខម្ហូបរបស់យើងនៅទីនេះ។ ជ្រើសរើសមុខម្ហូបដែលបានដាក់បង្រៀនពីរមុខដែលរៀបចំ និងបម្រើជូនដោយសិស្សរបស់យើងដែលស្ថិតក្រោមការគ្រប់គ្រងពីគ្រូរបស់ពួកគាត់។

បើសិនជាខ្ញុំមានប្រតិកម្មអាហារ និងរបបអាហារជាក់លាក់ តើខ្ញុំត្រូវធ្វើដូចម្តេច?

-សូមប្រាប់យើងអោយដឹងជាមុនពីតម្រូវការរបស់អ្នកនៅពេលអ្នកកក់ ជម្រើសផ្សេងៗនឹងត្រូវផ្តល់ជូនជានិច្ច។

តើកុមារស្វាគមន៍ ដែរឬទេ?

-ប្រាកដណាស់សូមមេត្តាប្រាប់យើងជាមុនដើម្បីរៀបចំតាមតម្រូវការរបស់កុមារ។

តើខ្ញុំអាចកក់បន្ទប់សណ្ឋាគារអនុវត្តសម្រាប់ស្នាក់នៅ បានដែរឬទេ?

-ពិតជាបាន សូមផ្ញើអ៊ីម៉ែលមកកាន់យើងនូវសំណើរ [email protected] ជាមួយនឹងឈ្មោះរបស់លោកអ្នក ព័ត៌មានទំនាក់ទំនងលម្អិត កាលបរិច្ឆេទនៃការមកដល់ និងចំនួនយប់ហើយនឹងចំនួនភ្ញៀវស្នាក់នៅ។ លោកអ្នកក៏អាចទូរស័ព្ទមកយើងតាមរយៈលេខ +៨៥៥ (០) ៨៩ ៦២៩ ៣៩៨ ។
សូមបញ្ជាក់ថាយើងអាចទទួលយកការស្នាក់នៅក្នុងចន្លោះពីថ្ងៃចន្ទ ដល់ថ្ងៃសុក្រតែប៉ុណ្ណោះ។

តើក្នុងមួយយប់ តម្លៃប៉ុន្មាន?

-អត្រាតម្លៃក្នុងមួយបន្ទប់គឺ ៤៥ដុល្លារសម្រាប់១យប់ រួមបញ្ជូលជាមួយអាហារពេលព្រឹកសម្រាប់មនុស្ស ២នាក់។ ចំណាំ៖ រាល់បន្ទប់ទាំងអស់មិនអនុញ្ញាតអោយជក់បារីទេ។

តើនៅក្នុងបន្ទប់មានអ្វីខ្លះ?

-បន្ទប់ទឹក ឧបករណ៍ឆុងតែ និងកាហ្វេ ទូរទឹកកក អ៊ីនធឺណិត និងទូរទស្សន៍ខ្សែកាប។